Промоција на македонска современа музика во Мароко

Класичното дуо „Грациозо“, д-р Невенка Дуковска (пијано) и м-р Кристина Палија (сопран), по вторпат настапија на сцените низ Мароко, но овојпат во „културна мисија“ за презентација на македонското современо музичко творештво.  

Пред многубројната публика низ градовите Лараче, Ксар Ел Кебир и Тангер-Тетуан беа изведени три самостојни концерти на дуото, на кои изведоа композиции од македонската современа културна ризница, како Зографски, Скаловски, Голабовски, Прокопиев, Иванов и др. 

Настапите беа во рамките на фестивалот „ENTRERRITMOS“, кој се одржа по шести пат, од 26 април до 3 мај 2017 година, во северниот дел на Мароко. Фестивалот е наречен Меѓународен фестивал на културната разновидност и има за цел да ја претстави културата за мир и соживот помеѓу различните народи, користејќи ги своите механизми, како уметноста и музиката кои доаѓаат од културниот идентитет на нациите и манифестација на алохтони (недомородни) наследства на различните цивилизации.

Овогодишното издание вклучи 220 учесници, како и културни и образовни делегации од десет земји: Шведска, Гвинеја-Бисао, Италија, Холандија, Шпанија, Панама, Бугарија, Ирска, Македонија и Мароко, која е земја домаќин. Присуствуваа амбасадори и дипломати од скоро сите горенаведени земји учеснички.

Паралелно со музичките и уметничките изведби, фестивалот организираше работилници, семинари и тематски состаноци на кои беа разгледувани современи прашања во врска со материјалните и нематеријалните наследства, животната средина и човековите права.

Филозофијата на фестивалот е да се посвети внимание на одржливиот развој на социјалната работа, како и промоцијата на паралелната дипломатија, која игра улога во комуникацијата со народите на земјата и промовирањето на цивилизацијата и историјата на Мароко.

 Како посетители и учесници на фестивалот имавме можност да ја вкусиме мароканската кујна со нејзините чудесни состојки, да уживаме во природните убавини на егзотичното Мароко, нејзините фасцинантни бескрајни плажи и беспрекорната љубезност и гостопримство на месното население. Исто така, запознавме учесници од цел свет, што е најголемо богатство и отвора нови врати за соработка и можност за уметничка промоција на македонското културно богатство вели Невенка Дуковска.

Проектот е поддржан од Министерството за култура на Република Македонија.

 

Последен пат изменето на Четврток, 11 Мај 2017 13:42
Share this article

СЛЕДЕТЕ НЕ

Регистрирај се

За да ги добиваш новите содржини внеси ја твојата е-маил адреса
Top
We use cookies to improve our website. By continuing to use this website, you are giving consent to cookies being used. More details…