Универзитетот „Гоце Делчев“ - Штип – дел од светска енциклопедија за изучување на англискиот јазик

Проф. д-р Нина Даскаловска беше поканета да даде свој придонес во создавањето на енциклопедијата за изучување на англискиот јазик The TESOL Encyclopedia of English Language Teaching во издание на издавачката куќа Wiley во САД.

Енциклопедијата се состои од осум тома со 750 прилози од водечки научници и професори од целиот свет, изработена под раководство на меѓународен тим на уредници и претставува единствена енциклопедија со таков обем што ќе претставува важна референтна литература во областа на изучувањето на англискиот јазик. Енциклопедијата е поделена на 14 теми и секоја од нив содржи голем број прилози кои ја обработуваат темата од различни аспекти.

Прилогот на проф. д-р Нина Даскаловска со наслов „Historical Perspectives on Teaching Speaking” е дел од темата посветена на развивањето на вештините на зборување.

Учеството на професор од Универзитетот „Гоце Делчев“ - Штип во создавањето на ова вредно дело претставува голема чест за Универзитетот, потврда за залагањето на наставничкиот кадар да бидат дел од научните текови во светот и поттик за понатамошно работење и творење заради лична афирмација, но и афирмација на Универзитетот „Гоце Делчев“ - Штип во светски рамки.

http://onlinelibrary.wiley.com/doi/10.1002/9781118784235.eelt0710/abstract

 

Одбележен под
Share this article

СЛЕДЕТЕ НЕ

Регистрирај се

За да ги добиваш новите содржини внеси ја твојата е-маил адреса
Top
We use cookies to improve our website. By continuing to use this website, you are giving consent to cookies being used. More details…