Образование

На 29 и 30 ноември, во Ресен, во соработка со Федерацијата на фармерите на Република Македонија, Земјоделскиот факултет спроведе работилници на тема „Економски алтернативи за земјоделците во Преспа“.

Kнигата „Методи на наставата по странски јазик“ (“Methoden des fremdsprachlichen Deutscunterrichts"), преведена на македонски јазик од проф. д-р Валентина Илиева од Универзитетот „Св. Климент Охридски“ во Битола, беше промовирана на Филолошкиот факултет при Универзитет „Гоце Делчев“ – Штип. Книгата „Методи на наставата по странски јазик“ е учебно помагало кое за првпат се преведува во Република Македонија.

Проф. д-р Јурка Лепичник-Водопивец од Педагошкиот факултет на Приморскиот универзитет во Копер, Словенија, промовираше своја книга и одржа предавање на Факултетот за образовни науки. Книгата „Од образование за животна средина до одржлив развој во детските градинки“ ја преведе проф. д-р Кирил Барбареев, а беше промовирана во присуство на професори и студенти од Факултетот за образовни науки, како и кадар од детските градинки во Штип.

Факултетот за образовни науки при Универзитет „Гоце Делчев“ – Штип го одбележа Денот на учителите – 5 октомври, со организирање на Научно-стручна трибина. Ваква трибина се организира по петти пат, а годинава темата е „Да се биде учител...“

Факултетот за образовни науки при Универзитет „Гоце Делчев“ – Штип во понеделник (9 октомври) преку две активности ќе има можност да биде домаќин на реномираната професорка Јурка Лепичник-Водопивец од Педагошкиот факултет на Приморскиот универзитет во Копер,  Република Словенија.

„Времето што следува ќе покаже дека соработката што ја воспоставуваме со Универзитетот за рударство и геологија ‛Св. Иван Рилски‛ во Софија ќе добие во својот интензитет и важност, пред сѐ, во заедничките проектни активности што ќе следуваат во европските образовни програми во Европската Унија и мислам дека колегите од овој универзитет ќе ни помогнат како универзитет поинтензивно да се вклучиме во овие европски проекти и европски соработки, бидејќи ние не смееме да заборавиме дека Р. Бугарија е членка на ЕУ и мислам дека тоа е важен момент во нашето интегрирање во Европската Унија“. Ова го изјави ректорот на УГД, проф. д-р Блажо Боев, при потпишувањето на Договорот за соработка помеѓу Универзитетот „Гоце Делчев“ во Штип и Универзитетот за рударство и геологија „Св. Иван Рилски“ во Софија, Бугарија.

Страница 2 од 24

СЛЕДЕТЕ НЕ

Регистрирај се

За да ги добиваш новите содржини внеси ја твојата е-маил адреса
Top
We use cookies to improve our website. By continuing to use this website, you are giving consent to cookies being used. More details…