Соработка на студентите од медицина и лекарите од САД

Студентите од Факултетот за медицински науки најавуваат идна успешна соработка со лекарите од САД кои во Македонија работат како дел од договорот со Министерството за здравство на Македонија.

„Ние студентите како еден фрагмент од таа симбиоза ќе ја градиме платформата на знаења, умеења и вештини кои ќе бидат олицетворение на една долга и успешна соработка. За релативно краток период остваривме средби, одржавме неколку практични и теоретски вежби со 5-6 специјалисти од различни области како: хирургија, педијатрија, токсикологија и слично. Факт што радува е дека ова беше само вовед на нова приказна која ние студентите ќе ја пишуваме заедно со тимови на реномирани лекари од САД. Горди сме што нашиот Универзитет и неговото раководство ни го отвораат патот и ни ја даваат оваа можност. Би сакале да ја истакнеме нашата огромна благодарност до д-р Тим, кој е токсиколог, воедно и претставник и координатор на оваа структура, но и промотор на целиот овој процес заедно со деканот на ФМН, проф. д-р Рубин Гулабоски. Благодарност и до сите доктори што соработуваа со нас во овој краток период и ја претставуваа областа на хирургијата, педијатријата, конкретно пластичната хирургија и слично“, велат студентите од Факултетот за медицински науки при УГД.

Минатата година се одржаа неколку поголеми и помасовни предавања, како и неколку практични вежби, исто така, со лекари од областа на хирургијата и неврологијата. Лекарите до САД веќе две години по ред одржуваат предавања и соработуваа со студентите и професорите од Штип. Знаењата што тие им ги пренесоа на студентите веќе се применуваат во секојдневието. Во иднина студентите најавуваат нови средби, повеќе практични вежби и помасовни предавања.

Последен пат изменето на Понеделник, 04 Декември 2017 11:30
Одбележен под
Share this article

СЛЕДЕТЕ НЕ

Регистрирај се

За да ги добиваш новите содржини внеси ја твојата е-маил адреса
Top
We use cookies to improve our website. By continuing to use this website, you are giving consent to cookies being used. More details…