Студентите на ФТБЛ учествуваа во организацијата на Третата туристичка берза

Студенти и професори на ФТБЛ на 5 и 6 декември учествуваа на Третата туристичка берза организирана од страна на Националната асоцијација за дојдовен туризам на Македонија (НАИТМ), а се одржа во хотелот „Буши“ во Скопје.

Туристичката берза на која учествуваа над 100 претставници од туристичкиот сектор во Македонија, како хотели, туристички агенции, ресторани, туристички водичи, винарии, пивници и превозници, беше поддржана од страна на Министерството за економија – Сектор за туризам и угостителство, Агенцијата за промоција и поддршка на туризмот на Република Македонија, ГИЗ Германско друштво за техничка поддршка, како и Швајцарската агенција за развој и соработка и СВИС Контакт.

Туристичката берза беше организирана во два дена. Првиот ден имаше организирани средби и вмрежување на учесниците од земјава, а вториот ден беше организирана конференција со различни теми поврзани со развојот на туризмот, каде што гости предавачи беа експерти од земјава и од странство, како Франција и Словенија. Главната цел на туристичката берза е зголемување на свеста за важноста на дојдовниот туризам за Македонија како туристичка дестинација и подобрување на соработката помеѓу факторите во дојдовниот туризам од Македонија и од странство во иднина.

Студентите од ФТБЛ преку оваа берза можеа да видат како е организиран дојдовниот туризам во Македонија и да се запознаат со клучните фактори на туристичкото стопанство од земјава. 26 студенти кои учествуваа во организацијата на Третата туристичка берза добија благодарници од страна на претседателот на НАИТМ, господинот Влатко Сулев.

Последен пат изменето на Понеделник, 10 Декември 2018 09:11
Одбележен под
Share this article

СЛЕДЕТЕ НЕ

Регистрирај се

За да ги добиваш новите содржини внеси ја твојата е-маил адреса
Top
We use cookies to improve our website. By continuing to use this website, you are giving consent to cookies being used. More details…