Филолошки факултет воспоставува соработка со Филозофски факултет во Ниш

Деканот на Филолошки факултет доц. д-р Драгана Кузмановска во работна посета на Филозофскиот факултет на Универзитетот во Ниш се сретна со голем број претставници од овој факултет и договори идна соработка во полето на наставата и науката. На средбите се разговараше за гостување и размена на професори, како и за заеднички проекти на двата факултета. Исто така, доц. д-р Драгана Кузмановска имаше средба и со директорката на Центарот за странски јазици со која беше договорена размена на професори на сите нивоа на катедрите на сите странски јазици во Ниш и во Штип.

Во исто време, проф. д-р Виолета Димова, раководител на Катедрата за македонски јазик и книжевност на Филолошкиот факултет во Штип, беше поканета од страна на управителката на Департманот за српска и компаративна книжевност да одржи предавање и работилница од областа на методиката на наставата на тема „Современата методологија и методичката наука во рамките на едукологијата“.

На предавањето и работилницата присуствуваа и активно учествуваа преку шеесет студенти на прв и на втор циклус студии, што го потврди интересот и потребата од понатамошна соработка и размена на искуства од сите области на книжевноста, јазикот и наставата.

Последен пат изменето на Вторник, 18 Април 2017 12:51
Одбележен под
Share this article

СЛЕДЕТЕ НЕ

Регистрирај се

За да ги добиваш новите содржини внеси ја твојата е-маил адреса
Top
We use cookies to improve our website. By continuing to use this website, you are giving consent to cookies being used. More details…