Отворени денови на УГД

Универзитетот „Гоце Делчев“  на средношколците од завршните години ќе им ги претстави можностите што ги нуди за студирање на Отворени денови кои ќе се одржат како во Штип, така и во наставните центри во Струмица, Кавадарци и во Прилеп. Отворените денови имаат за цел да го доближат УГД до потенцијалните студенти – средношколците, како и до сите заинтересирани.

На Отворените денови заинтересираните ќе можат да разговараат со наставничкиот кадар и со актуелните студенти на УГД,  да се запознаат со студиските програми, условите за студирање, организационата структура на Универзитетот, кампусите, можностите за вклучување во истражувачки, студентски, спортски активности, за учество во програмите за студентска размена и посета на познати светски универзитети, како и запознавање со можностите на електронскиот индекс и добивањето на стипендии.

Отворениот ден на УГД во Штип ќе се одржи во четврток (20 април), во 12 часот, на просторот пред Правниот факултет (поранешен Ректорат). Сите факултети ќе бидат претставени на штандови кои на специфичен и креативен начин ќе го презентираат секој факултет одделно. Отворените денови на УГД ќе продолжат и во наредната недела, со претставувањето во наставните центри во Струмица (26 април) и во Кавадарци (27 април), а ќе завршат со отворен ден во Прилеп.

Последен пат изменето на Вторник, 18 Април 2017 15:46
Одбележен под
Share this article

СЛЕДЕТЕ НЕ

Регистрирај се

За да ги добиваш новите содржини внеси ја твојата е-маил адреса
Top
We use cookies to improve our website. By continuing to use this website, you are giving consent to cookies being used. More details…