Универзитетски спортски центар и ФТБЛ со учество на спортски форум во Бугарија

Во периодот од 10.6.2018 до 12.6.2018 година, проф. д-р Билјана Попеска од Универзитетскиот спортски центар при УГД и ас. м-р Цветанка Ристова од Факултетот за туризам и бизнис логистика учествуваа на првиот Спортски форум организиран од Одделението за спорт при Софискиот универзитет „Св. Климент Охридски“ во Паничиште, Република Бугарија.

Темата на дискусија на форумот беше „Спортот во високото образование - државна / институционална политика, начин на живот или непријатна обврска“ и на истиот проф. Попеска и ас. Ристова учествуваа со презентација на тема „Физичката активност на студентите на неделно ниво – состојби и перспективи во Македонија и можност за промоција на спортскиот туризам на универзитетство ниво“.

Целта на форумот беше да се направи соработка, размена на практични искуства и споделување на нови идеи со цел да се подобри здравјето и физичката активност на студентите. Дискусиите на форумот ја нагласија и врската помеѓу еко туризмот и спортот, како можност за промоција на природните обележја на двете земји преку спортски активности. Така и форумот беше организиран со агенда – еко туризам, односно посета – пешачење до Седумте Рилски Езера и посета топлите минерални води на Сапарева Бања.

Последен пат изменето на Четврток, 21 Јуни 2018 11:22
Одбележен под
Share this article

СЛЕДЕТЕ НЕ

Регистрирај се

За да ги добиваш новите содржини внеси ја твојата е-маил адреса
Top
We use cookies to improve our website. By continuing to use this website, you are giving consent to cookies being used. More details…