Компании преку онлајн предизвици ќе регрутираат квалитетни студенти за работа

Компанијата „HFour“ која одржа своја работилница на Факултетот за информатика при УГД ги едуцираше студентите за областа на онлајн безбедноста и постави предизвик преку кој сака да ги пронајде најквалитетните студенти.

  • На вакви настани студентите ќе добијат едно знаење преку практична работа. Преку нашиот онлајн предизвик тие ќе се обидат нешто да прават и со тоа ќе добијат знаење. Ова знаење многу се бара. Покрај тоа ние не криеме дека дел од нашиот настан е да идентификуваме потенцијални нови колеги. Тоа не е тајна. Во секој ваков настан тоа е една од темите. Ние би сакале да разговараме со луѓето. Кој ќе биде поуспешен во предизвикот ќе има можност, доколку сака да продолжи да разговара со нас - изјави Божидар Спировски од компанијата „HFour”.

Сајбер безбедноста е област која ќе биде многу барана во иднина, како во Македонија, така и во странство ќе недостасуваат кадри од овој профил.

  • Според интернационални истражувања се вели дека до крајот на 2020 година ќе фалат 3,5 милиони работници во подрачјето на сајбер безбедноста. Ова само по себе укажува дека е многу барана професија, а еден од проблемите е што луѓето не знаат што вклучува сајбер безбедноста, па не се одлучуваат да станат професионалци во оваа област. Сајбер безбедноста е голема и широка гранка за која ќе има сѐ повеќе и повеќе потреба - изјави Маријан Стојнев од компанијата „HFour”.

Работилницата се одржа денес во Кампус 2 на Факултетот за информатика. Онлајн предизвикот од областа на сајбер безбедноста може да се најде на следниов линк: https://swisscheese.hfour.mk

Последен пат изменето на Четврток, 18 Април 2019 12:01
Одбележен под
Share this article

СЛЕДЕТЕ НЕ

Регистрирај се

За да ги добиваш новите содржини внеси ја твојата е-маил адреса
Top
We use cookies to improve our website. By continuing to use this website, you are giving consent to cookies being used. More details…