Студенти од Правен факултет со награда на ораторски натпревар по повод Денот на Европа

Тројца студенти од Правниот факултет при УГД, Иван Николов, Елена Орцева и Иван Буралиев, беа дел од ораторскиот натпревар кој се одржа на 5 мај во склоп на настанот „Собир на македонските универзитети“, организиран по повод одбележувањето на 9 мај - Денот на Европа. Со својот говор на тема „Ја познавам ли доволно ЕУ“, Елена Орцева го освои второто место на натпреварот.

На настанот присуствуваа и студенти од останатите поголеми универзитети во нашата држава. Покрај ораторскиот натпревар, во склоп на настанот се одржа и студентска дебата на темата „Европската Унија: Задолжителна или алтернативна опција за студентите?” во која можеа да се вклучат сите присутни студенти.

Овој настан се одржува веќе десет години, а годинава домаќин беше Универзитетот „Св. Кирил и Методиј“ во Скопје. Настанот го организира Европското движење во Република Македонија во партнерство со поголемите универзитети во Р Македонија, со Фондацијата Конрад Аденауер, Делегацијата на Европската комисија и Секретаријатот за европски прашања на РМ, чии претставници имаа свои излагања на настанот.

Одбележен под
Share this article

СЛЕДЕТЕ НЕ

Регистрирај се

За да ги добиваш новите содржини внеси ја твојата е-маил адреса
Top
We use cookies to improve our website. By continuing to use this website, you are giving consent to cookies being used. More details…