Македонско-јапонското дуо Асами Сате и Ема Попивода наградени од градот Токио на конкурс помеѓу 20.000 проекти

Композицијата за две пијана „Дали паметиш Милице“ - Ноктурно оп. 52 б на македонскиот композитор Димитрије Бужаровски е снимена онлајн, за време на карантинот.

Видеото е инспирирано од архитектот Кензо Танге, кој на некој начин ги поврзува Скопје и Токио, и содржи снимки од двата града, макети и планови за изградба на Скопје по катастрофалниот земјотрес во 1963 година. Кензо Танге работел на планот за изградба на Скопје по земјотресот, а Градскиот ѕид, железничката станица во Скопје, Македонската опера и балет и многу други објекти се дел од архитектурата на новото Скопје. Тој ги изградил и зградата на владата на Токио и стадионот Јојоги во Токио, објекти кои и денес се едни од најзначајните во јапонската архитектура.

Видеото го изработи Милан Тоциновски, додека продукцијата е на Давор Попивода.

Пијанистките Асами Сате и Ема Попивода соработуваат од 2016 година. И двете имаат интернационални кариери како солисти. Сате студирала и магистрирала во Јапонија и во САД, но работи и како продуцент за развој на глобални активности во Токио. Попивода е доктор на музички науки, професор по пијано на Музичката академија при УГД во Штип и активна пијанистка со бројни настапи низ Европа, САД и Азија.  

Видеото допре до милиони гледачи во Азија и е одлична промоција на македонската музика, македонскиот фолклор и на нашата земја.

Линк од веб страницата во Токио каде е објавен проектот.

 

Share this article

СЛЕДЕТЕ НЕ

Регистрирај се

За да ги добиваш новите содржини внеси ја твојата е-маил адреса
Top
We use cookies to improve our website. By continuing to use this website, you are giving consent to cookies being used. More details…