Приказ на предметите според таг: studenti

Студентите на УГД ќе имаат можност да учествуваат на научно-спортски средби на студенти од факултетите за природни науки од просторот на поранешна СФРЈ, познати како „Приматијада“, а годинава организирани од Студентскиот сојуз на Математичкиот факултет на Универзитетот во Белград.

Четириесетина студенти од универзитети од повеќе европски држави во наредниот период ќе престојуваат на Универзитетот „Гоце Делчев“ преку програмата „Еразмус плус“. Ова претставува континуитет на високото ниво на практицирање на оваа програма за студентска размена на УГД, како во поглед на престој на студенти на УГД, така и со заминувањето на наши студенти на европските универзитети.

УГД ги информира сите заинтересирани студенти дека имаат можност да учествуваат во изготвување на најновиот видеоспот за Универзитетот. Спотот ќе се снима на неколку локации во Штип, а за тоа се потребни и студенти од УГД.

На 24 декември, во комплексот Етно село „Тимчевски“, се одржа гастрономски натпревар организиран од страна на асоцијацијата Гастромак во кој учествуваа четворица студенти од ФТБЛ. По повод прославата на новогодишните празници, натпреварот беше со една заедничка тема „Новогодишна - Божиќна трпеза“.

Студентите на Технолошко-технички факултет се вклучија во хуманитарна акција со изработка на детска облека. Хуманитарната акција е со поддршка на градоначалникот на Општина Крушево и  директорката на НУ Спомен куќа „Тодор Проески“, Елена Мирческа,  а студентите на УГД петта година по ред се учесници во хуманитарни модни ревии под менторство на доц. м-р Ванѓа Димитријева-Кузманоска.