УГД и Шпаркасе банка Македонија ја официјализираа соработката

Соработката која и досега ја имаат Универзитетот „Гоце Делчев“ – Штип и Шпаркасе банка од денеска е официјализирана преку потпишување на Меморандум за соработка. Меморандумот го потпишаа генералниот директор на Шпаркасе банка, Глигор Бишев, и ректорот на Универзитетот „Гоце Делчев“, проф. д-р Блажо Боев.

Со овој договор се отвораат можности за студентите и за вработените на УГД за работа на заеднички проекти меѓу двете институции во насока на размена на идеи и знаења. Според Бишев, формалното официјализирање на соработката која веќе постои покажува дека еден од најважните фактори за успех на секоја компанија се вработените:

Од тој аспект, кадарот што се продуцира на Универзитетот „Гоце Делчев“ и останатите универзитети дава свој придонес и во развојот на македонската економија и банкарството, па студентите ќе можат да доаѓаат на пракса, да ги применуваат знаењата што ги стекнале, и тоа не само во Шпаркасе банка Македонија, туку и во целата групација која е во 14 земји. Се разбира, ќе може да ги видат и нашите искуства и евентуално, во зависност од потребите, да се вработуваат било во банкарството било во приватниот сектор на економијатаизјави Бишев

За ректорот Боев овој Меморандум за соработка е уште една потврда за посветеноста на УГД на соработката со реалниот сектор:

Денеска имаме особена чест да ја официјализираме соработката со Шпаркасе банка Македонија, како една врвна установа во областа на банкарството во Македонија и пошироко во Европа. Ние како Универзитет полагаме многу во ваквите соработки во делот на реалниот сектор кој постои. Ние продуцираме кадри, но тие кадри мора да најдат вработување во реалниот сектор. Ваквите иницијативи за соработка се императив за нас, затоа и сега и понатаму ќе ја практикуваме оваа пракса за потпишување, но не и само за потпишување, туку и реализирање на договорите во реални услови, тие да функционираат и студентите од нив да имаат корист. Ако студентите немаат корист од оваа соработка и спогодба, не би требало ни да ја потпишуваме. Спогодбата е реална со реални претпоставки за тоа нашите студенти да одат на пракса во експозитурите на Шпаркасе во Македонија, но и во нивните експозитури во Европа, од една страна, а од друга страна студентите да најдат работа, и тоа најдобрите студенти, бидејќи ние треба да продуцираме добри и квалитетни студенти за да можат реално да придонесат за развојот на нашата економија и нашиот бизнисизјави ректорот на УГД, проф. д-р Блажо Боев

 

Последен пат изменето на Среда, 07 Септември 2016 16:32
Share this article

СЛЕДЕТЕ НЕ

Регистрирај се

За да ги добиваш новите содржини внеси ја твојата е-маил адреса
Top
We use cookies to improve our website. By continuing to use this website, you are giving consent to cookies being used. More details…