Апликација за распоред на предавања победник на студентскиот Хакатон

Апликација преку која студентите ќе можат да се информираат за распоредот на својот факултет победи на првиот студентски Хакатон. Овој маратон по компјутерско програмирање беше во организација на студентите од Факултетот за информатика, а учество зедоа околу 30-тина студенти од штипскиот факултет но и од факултетот ФИНКИ во Скопје.

Настанот се одржа викендов во просториите на факултетот во Штип, а студентите имаа можност да програмираат апликации за различни платформи на тема „Студентски живот“. По презентацијата на апликациите првото место им припадна на студентите Ненад Ефремов и Дарко Ефремов од Факултетот за информатика во Штип. Тие изработија апликација која ќе им го олесни студентскиот живот на студентите преку информирање за распоредот или потсетување каде и кога имаат предавање.

Жири-комисијата, која беше составена од професори и асистенти на Факултетот за информатика, оцени дека оваа апликација треба да го земе првото место. Откако ќе се финализира апликацијата ќе биде достапна за студентите.

Студентскиот Хакатон се организира првпат во рамките на Универзитетот „Гоце Делчев“, а годинава се организираше со поддршка на Студентскиот парламент, Факултетот за информатика и Центарот за односи со јавноста при УГД. Студентите кои го организираа настанот се надеваат дека ќе прерасне во традиција во рамките на Факултетот за информатика на УГД.

Последен пат изменето на Вторник, 17 Ноември 2015 16:35
Одбележен под
Share this article

СЛЕДЕТЕ НЕ

Регистрирај се

За да ги добиваш новите содржини внеси ја твојата е-маил адреса
Top
We use cookies to improve our website. By continuing to use this website, you are giving consent to cookies being used. More details…