Студентите од Правниот факултет при Универзитет „Гоце Делчев“ направија истражување на тема „Зошто младите се иселуваат“ под менторство на проф. д-р Страшко Стојановски. Денес на Правниот факултет се презентираа резултатите од истражувањето.
„Главната причина за иселување е економската состојба во државата, како и политичката криза. Најомилени земји на младите за иселување им се САД и Германија”, изјави студентката Славица Ивановска од Правниот факултет.
Истражувањето се спровело на репрезентативен примерок на лица од 15 до 35 години. Претходно во рамките на Центарот за правно-политички истражувања на Правниот факултет на УГД се спроведуваа исто така слични истражувања во 2014 и 2018 година. Може да се забележат и трендови на период од 4 години.
„Можам да забележам дека во перцепцијата на младите тенденцијата за иселување се намалува, иако се уште голем број од нив сакаат да се иселат”, вели проф. д-р Страшко Стојановски.
На денешниот настан, покрај презентација на истражувањата, се организираше и дебата на тема „Влијанието на масовните медиуми врз младите“.
Joomla Gallery makes it better. Balbooa.com
