Приказ на предметите според таг: УГД Живот

Претставници на Универзитетот „Фират“ во Турција неодамна беа во работна посета на Универзитетот „Гоце Делчев“. На средбата се разговараше за продлабочување на соработката и можностите кои двата универзитети ги имаат во насока на размена на искуства, студенти и работа на заеднички проекти.

Универзитетот во Турција има одлични искуства во отворање на бизниси во рамките на факултетите од страна на студенти и професори.

Универзитетот „Гоце Делчев“ изрази желба да се започне соработка на ниво на неколку факултети. За почеток соработката ќе се одвива со Факултетот за природни и технички науки и на Факултетот за информатика.

Универзитетот „Фират“ е основан во 1975 година, а денес брои преку 30.000 студенти. Станува збор за еден од подобро рангираните универзитети во Турција, а соработката со УГД ја иницираше проф. д-р Махмуд Челик од Филолошкиот факултет при УГД.

Објавено во УГД Живот

Утре (1 јули 2021 г.) се отвора Електронската платформа за пријавување на новите студенти на УГД. Платформата ќе биде отворена до средината на септември, кога завршуваат сите активности во делот на пријавување и запишување на новите студенти на Универзитет „Гоце Делчев“. Сите кои ќе извршат пријавување на електронската платформа ќе треба да ги достават своите документи во време кога им одговара. Локациите за достава ги има на веб-страницата на УГД.

Оваа платформа овозможува комплетно интегрирано пријавување и запишување на сите студенти на Универзитетот по електронски пат. Сите активности што студентите ќе сакаат да ги направат во делот на пријавување и запишување ќе можат да се направат електронски. Може да се направи и во физичка форма, доколку ценат дека треба да го сторат тоа, кон крајот на август или во почетокот на септември“, изјави ректорот проф. д-р Блажо Боев на денешната прес-конференција.

Според Конкурсот кој веќе е објавен на УГД, на сите студиски програми има вкупно 4142 слободни места за новите студенти.

Според статистиката во делот на завршени средношколци ние би можеле да запишеме околу 2000 студенти, со оглед на тоа дека има голем број на високообразовни установи. Ние нудиме солидно образование и јас ги повикувам студентите да ја препознаат својата иднина на УГД во Штип. Универзитетот дава признаени дипломи, не само на ниво на регион, туку и во целиот свет. Сите алатки кои ги имаат универзитетите низ Европа постојат и на овој универзитет“, истакна ректорот на УГД проф. д-р Боев.

И оваа година голем дел од студентите ќе добијат можност да добијат бесплатно студирање во одредена фаза од своите студии, а сите можности за стипендирање и ослободување од партиципација се веќе објавени.

Ректорот на УГД истакна дека најверојатно УГД студиската година ќе ја започне со хибридниот модел, односно вежбите да бидат со физичко присуство, а наставата онлајн, но тоа може да се промени многу бргу зависно од епидемиолошката состојба во државата. Доколку има насоки да се овозможи физичка настава, УГД ќе биде подготвен. Целосната прес-конференција можете да ја погледнете на видеото во продолжение:

 

Објавено во УГД Живот

Филолошкиот факултет при Универзитет „Гоце Делчев“ – Штип на посебен начин ќе се прости и ќе се потсети на проф. д-р Виолета Димова, која почина неодамна. Настанот посветен на проф. Димова ќе се одржи во четврток, 1 јули 2021 година, во амфитеатарот на Филолошки факултет – Кампус 4 на УГД. Проф. д-р Виолета Димова голем дел од својот работен век го помина токму на Филолошкиот факултет на УГД, оставајќи длабок печат со својот ангажман, со својот однос како со колегите на Факултетот и на Универзитетот, така и со генерациите на студенти кои го учеа македонскиот јазик и светската книжевност под нејзино менторство. Проф. д-р Виолета Димова учествуваше во основањето и беше и прв декан на Филолошкиот факултет при УГД. Дипломирала, магистрирала и докторирала на Филолошкиот факултет „Блаже Конески“ на Универзитетот „Св. Кирил и Методиј“ во Скопје. Автор е на повеќе научни трудови од областа на методиката и теоријата на книжевноста, добитник е на Меѓународната награда „Ана Франк“ за посебен придонес во интерпретацијата на литературата за деца.

Објавено во УГД Живот

Катедрата за танц при Филмската академија на Универзитетот „Гоце Делчев“ – Штип доби сопствен простор кој ќе овозможи многу подобри услови за реализација на студиската програма, на која интерес за студирање има и од студенти од странство. Министерството за одбрана ѝ отстапи дел од просторот на Домот на АРМ - Скопје на Филмската академија при УГД, со што Катедрата за танц доби свој дом.

- Како Универзитет се трудиме нашите студенти да имаат извонредни услови, се раководиме по европски стандарди. Од оваа година ја интернационализираме програмата, веќе имаме странски студенти. Програмите одат на англиски јазик, а отвораме и мастер студии на кои имаме пријавено студенти од регионот и пошироко – изјави Рисима Рисимкин, деканка на Филмската академија и основач на Катедрата за танц.

На предавањето на просторот на користење на УГД и Филмската академија присуствуваа и проректорите на УГД, проф. д-р Мишко Џидров и прод. д-р Дејан Мираковски, кои истакнаа дека ова е во насока на поддршка на стратегијата за интернационализација на Универзитетот „Гоце Делчев“, а дека со овој простор, преку соработка на повеќе институции, дури и во  ваков период на криза може со малку средства да се направи многу убав простор кој ќе можат да го користат и сегашните и идните студенти.

- Катедрата за танц на Филмската академија на УГД нуди уникатна едукација, продуцира танчари, а со вториот циклус на студии, студиите за кореографија и педагогија, како и со внесувањето на „урбаните стилови“ во универзитетската едукација, целта е да станеме европски центар - вели Рисима Рисимкин.

Предавањето на просторот од Домот на АРМ во Скопје на УГД се случи за време на „Скопје танц фест 2021“, на кој одлични настапи имаа студентите од Катедрата за танц.

Објавено во УГД Живот

Одбојкарите на „УГД студент“ во кадетска конкуренција кои ја освоија титулата во државното првенство вчера беа на прием кај градоначалникот на Штип, Сашко Николов.

На финалниот турнир, кој се одржа во Струмица на 16 мај тие беа најдобри и заслужено се здобија со титулата шампиони.

Градоанчалникот Николов им честита на одбојкарите за овој голем успех, како и на тренерот Ванчо Санев и неговите помошници Кристијан Ристевски и Љупче Зенделов.

Станува збор за искчучтелно талентирани момци кои активно тренираат и работат на себе. Работат на подобрување на себе, на својата игра и својот квалитет, изјави градоначалникот Николов.

Условите за работа на екипата се подобрени и тоа резултира со повеќе успеси, а и самата екипа и играчи се позадоволни.

Условите за работа се многу подобрени за разлика од порано. Салата Јордан Мијалков е една од подобрите и имаме можност за добри тренинзи. Имаме златна генерација, и верувам дека истата екипа и догодина ќе се бори и во кадетска и во младинска категорија. Таму ги очекувам првите места во двете категории, изјави тренерот на екипата Ванчо Санев.

За потсетување истиот состав минатата година беше државен првак и во пионерска конкуренција.

Објавено во УГД Живот
Страница 6 од 140

СЛЕДЕТЕ НЕ

Регистрирај се

За да ги добиваш новите содржини внеси ја твојата е-маил адреса
Top
We use cookies to improve our website. By continuing to use this website, you are giving consent to cookies being used. More details…