Проф. д-р Блажо Боев: Добредојдени се сите студенти кои сакаат квалитетно образование

Од понеделник (26 август) Универзитетот „Гоце Делчев“ - Штип започнува со реализирање на уписите на нови студенти во студиската 2019/2020 година. Ректорот на УГД проф. д-р Блажо Боев денес на прес-конференција истакна дека УГД е универзитет кој нуди квалитетно образование и добри услови за новите студенти.

  • Знаете дека неодамна излезе рангирањето на Универзитетот во Шангај и таму и на сите други листи УГД е позициониран на втората позиција. Мислам дека заедно со УКИМ во Скопје и другите универзитети во Македонија даваме квалитетно образование со кое нашите студенти можат да се гордеат и можат да најдат работа. Тие ќе стекнат компетенции и знаење кое ќе биде вредно не само во оваа држава, туку во сите оние европски држави каде што сметаат дека треба да го продолжат своето живеење или своето образование - истакна ректорот на УГД проф. Боев.

 УГД и оваа година е отворен и подготвен за странските студенти. Интернационализацијата на Универзитетот е високо на агендата за развој на овој универзитет. И оваа година се планира преку 120 студенти од различни држави да бидат дел од УГД, а околу 50% од нив се очекува да бидат од Турција. На УГД има преку 300 студенти кои доаѓаат надвор од Република Северна Македонија.

Првиот уписен рок е од 26 август до 2 септември, а Конкурост може да се најде на веб сајтот на УГД.

Последен пат изменето на Четврток, 22 Август 2019 15:09
Одбележен под
Share this article

СЛЕДЕТЕ НЕ

Регистрирај се

За да ги добиваш новите содржини внеси ја твојата е-маил адреса
Top
We use cookies to improve our website. By continuing to use this website, you are giving consent to cookies being used. More details…