Факултетското студентско собрание на Факултетот за туризам и ...
Повеќе од 50 студенти од различни факултети при УГД и 10 ...
Факултетот за туризам и бизнис логистика при УГД и Шпаркасе ...
Илија Ивановски е првиот студентски правобранител на ...
Средба за добредојде организираше Одделението за меѓународна ...
Програмата за праксa на германскиот бизнис им овозможува на ...

УГД Живот

Универзитетот „Гоце Делчев“ денес потпиша Меморандум за соработка со Бирото за регионален развој. Со овој меморандум се отвора можност за аплицирање на повици кои ќе бидат објавени од Бирото и заемна соработка на други заеднички проекти.

- Ние веќе размислуваме со кои факултети да се вклучиме на нивните повици кои ќе следуваат во наредниот период. Разговаравме и како ние можеме да се вклучиме во целиот регионален развој. Соработките ќе одат во насока на до опремување на факултетите, а потоа со таа опрема да развиваме обуки за студенти, невработени или некои ранливи категории во овој дел од државата - изјави проректорот за настава на УГД, проф. д-р Мишко Џидров.

Меморандумот го потпишаа ректорот на УГД проф. д-р Блажо Боев, од една страна, и директорот на Бирото за регионален развој Рамиз Реџепи, од друга страна.

- Со новиот закон се отвораат многу врати за соработка со универзитетите. Овој меморандум нема да остане само во хартиена форма, туку во нашите идни повици кои ќе ги имаме ќе воспоставуваме заемна соработка со нас како институција и другата страна. Отвораме можности за универзитетите да аплицираат на проекти кои ќе можат да ги реализираат - изјави директорот Реџепи.

Со измените во легислативата универзитетите ќе имаат можност да аплицираат за развојни проекти и преку Источниот плански регион или преку соработка со други институции да придонесат за развојот на регионите.

 

Универзитетот „Гоце Делчев“ со тим од свои вработени и годинава беше дел од Скопскиот Виз-ер маратон. На одлично организираното 17-то издание УГД имаше свои претставници на полумаратонот, како и на трката на 5 километри, замислена повеќе како тим билдинг, што се покажува повеќе од корисно.

На некои факултети денес беше одржан првиот академски час. Факултетите, зависно од нивната бројка на студенти и условите самостојно одлучуваа за начинот на одржување на првиот академски час. Онлајн прв академски час одржа Правниот факултет, а со физичко присуство денес првиот академски час го одржаа и добредојде им посакаа деканите, и продеканите на Земјоделскиот факултет, Филолошкиот факултет, Економскиот факултет и Филмската академија. Останатите факултети, дел онлајн, дел со физичко присуство својот прв академски час ќе го одржат во понеделник 04.10.2021.

Во продолжение проследете ги поздравните говори и дел од атмосферата на факултетите на УГД:


Правниот факултет при Универзитетот „Гоце Делчев“ формираше Правна клиника преку која им дава бесплатна правна помош на заинтересираните.

„Во услови кога напорите за остварување на социјална правда и еднаквост не ги даваат очекуваните резултати, па така голем број граѓани и маргинализирани групи не се во можност (или не знаат) како да ги остварат своите права, сосема оправдано се наметнува потребата од бесплатна правна помош како значаен императив во остварувањето на концептот на владеење на правото“, се вели во соопштението од Правниот факултет.

Правната клиника е посебна организациска единица на Правниот факултет при Универзитетот „Гоце Делчев” – Штип чија основна надлежност би била обезбедување примарна бесплатна правна помош онаму каде што е најпотребна. Основниот мотив е да се подигне свеста за значењето и содржината на бесплатната правна помош и можностите кои се нудат во таа насока, како и да се работи во конкретни случаи со граѓани кои имаат потреба од помош, а не се во состојба да обезбедат остварување на своите законски права преку некој од достапните механизми на заштита.

„Со оглед на тоа дека Правната клиника неодамна почна со работа, нашите напори во моментот се насочени кон тоа да се промовираме како овластени даватели на правна помош, како би овозможиле што е можно поголем круг на граѓани (првенствено оние кои се најзасегнати) да се информираат за нашето постоење и она што го работиме“, велат од Правниот факултет.

Клиниката од неодамна овозможи и електронско поднесување на барања, па така им се олеснува достапноста до правда на сите оние кои имаат потреба од тоа. Повеќе информации можете да најдете на следниов линк: https://pf.ugd.edu.mk/index.php/mk/za-fakultetot/pravna-klinika.

Новата студиска година официјално започнува утре, а првиот академски час ќе се одвива согласно со распоредите на факултетите. Со оглед на тоа дека и годинава образованието се одвива според посебни протоколи за работа сите факултети во рамките на УГД поединечно го организираат првиот академски час. По тој повод ректорот на УГД, проф. д-р Блажо Боев, имаше обраќање до идните студенти кои оваа година одлучиле да станат дел од УГД. Обраќањето на ректорот на УГД, проф. д-р Блажо Боев, проследете го во целост во продолжение.

 

 

Името на Блаже Конески е меѓу најзначајните за македонската литература, култура, книжевност, јазик... Со оглед на тоа што оваа година се навршуваат 100 години од неговото раѓање, 2021 година беше прогласена за „Година на Конески“ и  во текот на цела година се организираа настани во негова чест.

На 5 мај 2021 година се одржа настанот „Ние за Конески“, организиран од Катедрата за македонски јазик и книжевност на Филолошкиот факултет при УГД - Штип, со што Филолошкиот факултет даде сопствен придонес во одбележувањето на големиот јубилеј – 100 години од раѓањето на великанот Блаже Конески.

Настанот одржан во чест на Конески беше препознаен и поддржан од страна на Фондацијата „Небрегово“ и по тој повод на 24 септември се одржа свеченост во родната куќа на Конески, во Небрегово. На настанот им се доделени плакети на институции и поединци кои дале свој придонес во одбележувањето на овогодишниот јубилеј - 100 години од раѓањето на Блаже Конески и 20 години од формирањето на Фондација „Небрегово“.

Деканката на Филолошкиот факултет, проф. д-р Драгана Кузмановска, продеканката, проф. д-р Весна Коцева и раководителката на Катедрата за македонски јазик и книжевност, доц. д-р Ана Витанова-Рингачева, го примија со огромна чест ова признание кое е од огромно значење за Филолошки и Македонистика на УГД.

Ова е само дел од активностите на Филолошки факултет и Катедрата за македонски јазик и книжевност во чест на Блаже Конески и еден голем показател и пример за почитувањето на неговото дело.

ЈАЗИЧНАТА РАЗНОЛИКОСТ КАКО ПРЕДУСЛОВ ЗА МЕЃУКУЛТУРНОТО РАЗБИРАЊЕ

По повод Европскиот ден на јазиците, студентите од Филолошкиот факултет при Универзитетот „Гоце Делчев“ во Штип изработија кратки видеоприказни со интересни факти за македонскиот, англискиот, италијанскиот, рускиот, шпанскиот, турскиот и германскиот јазик.

Страница 2 од 100

СЛЕДЕТЕ НЕ

Регистрирај се

За да ги добиваш новите содржини внеси ја твојата е-маил адреса
Top
We use cookies to improve our website. By continuing to use this website, you are giving consent to cookies being used. More details…