Приказ на предметите според таг: umetnost

Ликовната академија и Катедрата за архитектура и дизајн при ФПТН организираа изложба, а во рамките на истиот настан и Технолошко-техничкиот факултет организира своја ревија. Овој несекојдневен настан од областа на културата и уметноста се одржа денес во Уметничката галерија „Безистен“ во Штип. Интересен момент е што овој настан, согласно протоколите во време на пандемија, се одржа преку интернет.

  • Ја продолжуваме соработката со Универзитетот „Гоце Делчев“. Претставуваме изложба и перформанс. Станува збор за онлајн настан кој го организираме покрај сите предизвици. Сакам да истакнам дека ја продолжуваме соработката со УГД и со студентите на Универзитетот - изјави директорот на НУ Завод и музеј, Митко Штерјов.

Во рамките на настанот Ликовната академија и Катедрата за архитектура одржаа изложба, а Техничко-технолошкиот факултет своја ревија. Во целиот настан главни „актери“ се студентите од трите факултети.

  • Насловот на целиот овој концепт е „Помеѓу личноста и просторот – (не)време“ и тоа е точно ова кое во моментот може да биде претставено онлајн. Проектот е поврзан со трите факултети. Со ваквиот начин на претставување е направен еден современ спој кој од овој момент натаму може да остане традиција на Универзитетот - изјави деканката на Ликовната академија, проф. д-р Катерина Деспот.

Во проектот учествуваа околу 50 студенти со свои дела, вкупно околу 100 дела од различен карактер. Изложбата можно е да биде поместена и во други градови во идниот период.

 

Објавено во Уметност

Студентите на Технолошко-техничкиот факултет при УГД – Штип направија несекојдневна презентација на нивните креации, преку видеоприказна и фотосесија работени на тема „Пандемизам (креативна приказна на една онлајн генерација)“.

Во услови кога се забранети јавни настани и е оневозможено физичко присуство на факултетот, менторот на студентите доц. д-р Сања Ристески одлучи креативната работа на студентите да ја презентира на еден несекојдневен начин – преку атипична видеоприказна во која студентите се главни актери/протагонисти - тие се носители на целата приказна, а воедно и дизајнери на облеката која е претставена во видеото.

  • Целта на колекцијата е преку несекојдневен видеозапис да ја пренесеме нашата порака, нашата „борба” со невидливиот непријател – пандемијата со ковид-19, бидејќи организирање на моден настан во овие услови на пандемија и полициски час е скоро невозможно... - вели доц. д-р Ристески.

Во креирање на колекцијата учествуваа 20 студенти од трета и од четврта година на насоката Дизајн  на текстил и облека на Технолошко-техничкиот факултет на Универзитетот „Гоце Делчев“. Дизајните беа работени како завршен испит по предметите Конструкција на облека и Моделирање на облека.

  • Идејата за оваа тема потекна уште пред една година кога студентите креираа заштитни маски наменети за донација, инспирирани од пандемијата со ковид-19 - изјави доц. д-р Сања Ристески.

Темата е насловена „ПАНДЕМИЗАМ (креативна приказна на една онлајн генерација)“ или сфатена како модно движење за време на пандемијата.

Студентите заедно со својот ментор на темата работеле од почетокот на минатиот семестар (октомври 2020 г.), за денес да биде достапна до јавноста преку креативно видео кое го изработија со техничка поддршка од Универзитетската телевизија.

 







 

Објавено во Уметност

Музичката академија при УГД во соработка со Џез арт центарот во Подгорица и Музичката академија во Белград, од 24 до 30 април, ќе реализираат заеднички биг-бенд проект во Црна Гора.

Покрај студенти од УГД, предводени од професорот Тони Китановски, учествуваат и млади композитори и музичари од повеќе земји од регионот: Србија, Црна Гора, Романија, Словенија, Босна, Албанија и Македонија.

Овој интернационален оркестар диригиран од Китановски и професорот Владимир Николов (поранешен професор на Музичката академија во Штип, а сега раководител на Џез одделот на белградската академија) ќе одржи два концерти во духот на прославата на меѓународниот ден на џезот, 30 април, во градовите Цетиње и Подгорица.

Медиумите во Црна Гора веќе објавуваат низа информации поврзани со овој голем настан, а деканот на Музичката академија при УГД, проф. м-р Тони Китановски, е примен како огромна музичка ѕвезда.

Повеќе: Džez je muzika ljudskog roda (vijesti.me)

Објавено во Уметност

Музичката академија при Универзитет „Гоце Делчев“, во согласност со актуелната ковид ситуација, направи видеоразгледница во вид на концерт за сите љубители на класичната музика.

Објавено во Уметност

На Изборно собрание на Сојузот на композиторите на Македонија, што се одржа на 13.2.2021 г., беа избрани новите членови на раководните тела на ова Здружение за следниот мандат од две години.

За претседател на Претседателството на СОКОМ редовните членови ја избраа композиторката проф. д-р Валентина Велковска-Трајановска, со што таа воедно станува и првата композиторка која застанува на чело на оваа институција во нејзиното седумдецениско постоење.

Професорката на Музичката академија при УГД-Штип, музиколог д-р Стефанија Лешкова-Зеленковска беше избрана во новото претседателство кое го сочинуваат и композиторите проф. Живојин Глишиќ, проф. м-р Јана Андреевска, проф. д-р Горан Начевски, м-р Борис Светиев и музикологот д-р Мирјана Павловска-Шулајковска.

За претседател на Собранието на СОКОМ е реизбран проф. д-р Јане Коџабашија.

Објавено во Уметност
Страница 3 од 37

СЛЕДЕТЕ НЕ

Регистрирај се

За да ги добиваш новите содржини внеси ја твојата е-маил адреса
Top
We use cookies to improve our website. By continuing to use this website, you are giving consent to cookies being used. More details…