Македонија2025, Семос Eдукација и Цертиадриа им нудат на 200 млади лица од Македонија на возраст 14-20 години единствена можност да ги подобрите своите дигитални вештини и да станат дел од дигиталниот свет.
Еден од приоритетите на Македонија2025, како организација со примарен фокус на економски и лидерски развој, е зголемување на дигиталната писменост на населението, а особено поддршка на младите во нивниот личен и професионален развој. Развојот и унапредувањето на дигиталните вештини стануваат приоритет за секоја индивидуа, но и за општеството во целост. Оттука, нашата поддршка на дигиталната „писменост„ на младите во Македонија има за цел да обезбеди подобра и просперитетна иднина на идните генерации на работодавачи, претприемачи и работници, како и на државата.
ЗА ОБУКИТЕ
Македонија2025, Семос Eдукација и Цертиадриа обезбедуваат целосна стипендија за следните Microsoft обуки: PL-900 (PowerAplications) и AZ-900 (Azure Fundamentals), за 200 млади од Македонија.
Обуките ќе се одржуваат онлајн, а на крајот на секоја обука ќе се полага испит за сертифицирање, со што ќе добиете значка за Microsoft Certified: Azure Fundamentals и Power Platform Fundamentals.
Повеќе информации за обуките се достапни на следните линкови:
https://docs.microsoft.com/en-us/learn/paths/power-plat-fundamentals/
https://docs.microsoft.com/en-us/certifications/azure-fundamentals/
Со овие обуки, ќе започнете да го сертифицирате и верификувате вашето познавање во овие области на дигитални вештини, притоа официјализирајќи ги вашите вештини преку светски познатите и признати обуки на Microsoft.
АПЛИЦИРАЊЕ
Учесниците кои сакаат да ги посетуваат обуките може да аплицираат со пополнување на формуларот на следниот ЛИНК
Еден учесник може да ги посетува и двете обуки.
Краен рок за аплицирање е 07 септември, 2022 година, до 23:59 часот.
УСЛОВИ И СЕЛЕКЦИЈА
- Учесниците да се на возраст од 14-20 години, заинтересирани за стекнување и надоградување на знаењата и вештините во областа на информатичките технологии;
- Познавање на англиски и македонски јазик;
- Ракување со персонален или преносен компјутер.
- Селекцијата на кандидатите ќе се врши по принципот „прв дојден, прв услужен“, до пополнување на бројот од 200 места.
ВРЕМЕТРАЕЊЕ, ДАТА И МЕСТО НА ОДРЖУВАЊЕ
Обуките ќе се одржуваат ОНЛАЈН во периодот од 12 – 16 септември, 2022 г.
За секоја од обуките ќе има по 2 термини (претпладне и попладне), усогласени со училишниот распоред на часови на учесниците.
Секоја од обуките ќе се одржува во тек на 2 денови, по 4 часа секој ден.
- Обуката AZ-900 (Azure Fundamentals) ќе се одржува на 12 и 13 септември, 2022 г., во 2 групи.
- Почетокот на обуката за првата група е секој ден од 09:00 – 13:00 часот.
- Почетокот на обуката за втората група е секој ден од 13:00 – 17:00 часот.
- Обуката PL-900 (PowerAplications) ќе се одржува на 14 и 15 септември, 2022 г., во 2 групи.
- Почетокот на обуката за првата група е секој ден од 09:00 – 13:00 часот.
- Почетокот на обуката за втората група е секој ден од 13:00 – 17:00 часот.
По завршување на обуките, во периодот од 19 – 23 септември ќе бидат спроведени вежби со практични тестови, додека полагањето на испитите ќе се спроведе во периодот од 26 – 30 септември, 2022 година.
За најдобрите ученици (во двете категории) ќе следи бесплатна официјална обука од напредно ниво односно:
- За PL-900 ученикот кој ќе добие најдобар резултат на испитот, наградата е официјален PL-300 – Microsoft PowerBI курс во вредност од 575 евра.
- За AZ-900 ученикот кој ќе добие најдобар резултат на испитот, наградата е официјален AZ-900 – Microsoft AZ-104 – Azure Administrator обука во вредност од 680 евра.
ВЕ ОЧЕКУВАМЕ!
Преземено од: Македонија2025
