Во рамки на активностите од проект финансиран од програмата European Education and Culture Executive Agency (EACEA) со наслов „NEWAVES – Collaborative Alliance for Radio Recovery and Boost of Community News Media in Lowdensity Territories“ или скратено NEWAVES, претставници на партнерите во проектот УГД и Радио Канал 77 престојуваат во Португалија.
Институтот за политехника во Гуарда, Португалија, кој е домаќин на средбата на претставниците на останатите учесници во проектот е водечки партнер, а останатите се Универзитетот во Тренчин, Словачка, Академијата за уметност и култура во Осиек, Хрватска, како и радиостаница во Гуарда, Државната телевизија на Словачка во Братислава, Словачка, и Радио Канал 77 во Штип.
На средбата во Португалија на дневен ред е развојот на активностите по работните пакети кои се во фаза на спроведување.
Утврдена е и динамиката за спроведување на активностите за следните 6 месеци.
Во моментов проектот е во фаза на утврдување на состојбите во локалните и регионални радиостаници. Изразено е задоволство од динамиката во развојот на работниот пакет 2, каде што моментно се одвива прибирањето податоци од радиостаниците, а се спроведува и истражување за регулативата во секоја од државите учеснички.
