Почитувани студенти,
Веруваме дека секој од вас сака да го подобри и унапреди сопственото физичко здравје, да практикува и да ги подобри физичките активности. Ви нудиме токму таква можност!
Универзитет „Гоце Делчев” во Штип, во рамките на проектот „Фит-Балкан“ („Fit Balkans”), им нуди можност на студентите на возраст од 18 до 30 години (жени) да се вклучат во 6-месечнa програма, чија цел е јакнење и унапредување на нивната физичка активност.
Во насока на остварување на поставената цел, тимот од УГД изготви програма која содржи бројни активности и интервенции насочени кон постигнување на здрав и активен живот.
Програмата ќе трае 6 месеци. Во тој период, еднаш месечно ќе се реализираат консултативни средби со учесниците и мониторинг од страна на стручен тим.
Програмата ќе содржи предлози за различни форми на физичка активност (пешачење, возење на велосипед, трчање, програми за активности во домот и активности на отворено), примери на активна пауза на работното место, предлози за корекција на исхраната, методи за мотивација.
Кој може да учествува во предизвикот?
- Жени на возраст од 18 до 30 години кои живеат или студираат во Штип.
Времетраење на програмата
- 6 месеци.
Цена
- Бесплатно.
Што добивате од програмата:
- 6-месечен план со активности
- Насоки за исхрана и мотивација
- Консултации со стручен тим еднаш месечно
- Сертификат за учество.
Доколку сте заинтересирани за овој предизвик, пополнете го прашалникот во прилог со цел да добиеме повеќе информации:
https://docs.google.com/forms/d/e/1FAIpQLSdEXo5_t-U7cDqqM33gaIAjqa1zap4vvOJPMoO04glR3IemxQ/viewform
Предизвикот е пред вас. Да се соочиме со истиот!
„Фит-Балкан“ е проект финансиран од страна на Европската комисија за промоција на физичката активност кај младите жени на Балканот. „Фит-Балкан“ има за цел да ја подобри субјективната благосостојба кај жените од Балканот на возраст од 18 до 30 години, промовирајќи ја физичката активност. Проектот ќе се спроведува во пет града: Атина (Грција), Пловдив (Бугарија), Букурешт (Романија), Ниш (Србија) и Штип (Северна Македонија).
За сите дополнителни информации, контактирајте нѐ на:
