Амбасадорот на Италија во Република Северна Македонија, Н.Е. Андреа Силвестри, денес оствари средба со ректорот на УГД, проф. д-р Блажо Боев и со деканката на Филолошкиот факултет проф. д-р Драгана Кузмановска и со наставниот кадар и студентите од Катедрата за италијански јазик и книжевност.
На средбата се договорија идни соработки меѓу двете институции, но и воспоставување соработка со италијански универзитети.
- Ние и до сега имаме одлична соработка со Амбасадата на Република Италија, а во иднина планираме да ја прошириме таа соработка со други институции и универзитети од Италија. Како што знаете ние имаме студиска програма и меѓу другите програми доделуваме и десет стипендии за оваа студиска програма - истакна деканката проф. д-р Кузмановска.
Филолошкиот факултет има студиска програма Италијански јазик на која моментално има околу 30 запишани студенти.
- Задоволни сме од досегашната соработка и ние сме посветени оваа соработка да продолжи и во иднина - истакна амбасадорот на Италија во Македонија, Андреа Силвестри.
По средбата амбасадорот оствари средба со студентите и ги запозна со можностите што им ги нуди Амбасадата на Република Италија.
Галерија:
Joomla Gallery makes it better. Balbooa.com
Видео:
