Во периодот од 16 до 18 октомври 2022 г, во Опатија, Р. Хрватска, се одржа Конференција за градењето на лидерството во училиштата.
На завршниот панел на конференцијата свое излагање имаше и проф. д-р Кирил Барбареев, при што се разговараше за патот на градење политики и стратегии, како и професионалниот развој на училишните лидери во однос на три главни теми:
- Пристапи за социјална правда кои бараат трансформација на образовниот систем.
- Училишна култура – училишните норми, традиции и ритуали засновани на вредностите. „Училишна култура“ се користи како термин за да ги опфати сите ставови, очекувани однесувања и вредности кои влијаат на тоа како функционира училиштето.
- Инклузивно училишно раководство – овозможува соодветна поддршка на секој ученик без разлика на раса, пол, етничка припадност, јазик, попреченост, сексуална ориентација, семејно потекло и/или семеен приход.
Инклузивниот пристап кон образованието треба да им овозможи на сите ученици пристап и целосно учество во искуствата од наставата и учењето и има за цел да обезбеди сите деца и млади луѓе да искусат образование што го подобрува нивното учење и социјалните односи и ги подготвува за квалитетен возрасен живот во заедницата.
Училишното раководство е под влијание на поширокиот контекст во кој функционира училиштето и карактеристиките на локалната, националната и глобалната средина. Тоа е широка рефлексија на прашањето како раководителите на училиштата, во соработка со другите, треба да дејствуваат за да го направат училиштето проактивно и квалитетно во дадениот контекст.
Училишните лидери низ земјите на ОЕЦД имаат потреби и барања дека им недостасува обука потребна за преземање на нивните функции. Социјалното вклучување сѐ повеќе се гледа како клучен предизвик за образовните лидери.
Затоа, на новите училишни лидери, како и на поискусните им е потребен пристап до тековни програми за професионален развој ориентирани кон практиката. Достапноста на програмите за професионален развој и ресурсите конкретно насочени кон училишните лидери, поддршката за развој на инклузивни училишни култури, како и поддршката за значајниот ангажман на училишните лидери со училишните чинители и училишните заедници се важни предуслови за успешни училишта.
Затоа, овластувањето на училишните лидери за развој на инклузивна училишна култура е ветувачки политички пристап за фокусирање на работата за подобрување на училиштето и заедницата на социјалната правда. Конференцијата е последниот настан од проектот HEAD во обид да се види како поддршката на лидерството на ниво на училиште и на ниво на политики може да ја подобри вклученоста и да ја зголеми социјалната кохезија.
