Датум: 31 мај 2023 година (среда)
Време: 16:30 - 17:30 часот
Локација: „Нетавил“ во Скопје
Регионалната канцеларија за младинска соработка (RYCO) и Програмата на Обединетите нации за животна средина (UNEP) ги канат младите на претстојниот настан „Во фокус: животна средина, UNEP, RYCO и млади професионалци од областа на животната средина во Северна Македонија“. Оваа сесија претставува единствена можност за младите поединци кои се страсни за прашањата за животната средина и за професионалниот раст, да соработуваат со реномирани експерти и да откријат возбудливи перспективи.
Настанот ќе се одржи на 31 мај 2023 година, во Скопје на местото „Нетавил“.
Ова случување има огромно значење за младите во Северна Македонија и за поширокиот регион на Западен Балкан. Тоа служи како дел од поголема мисија предводена од Ингер Андерсен, заменик генерален секретар на Обединетите нации и извршна директорка на UNEP. Андерсен, придружувана од Карлос Бараган, раководител за човечки ресурси во UNEP, ќе ја посетат Северна Македонија за да ја покажат улогата на UNEP како водечки глас за прашањата за животната средина во рамките на системот на ОН и да ги истражат потенцијалните можности за вработување на млади професионалци за животна средина.
Покрај делегацијата на UNEP, Алберт Хани, генералниот секретар на RYCO, ќе биде присутен за да го запознае опсегот на можности што RYCO им ги нуди на младите поединци во однос на регионална соработка, личен и професионален развој и поширок ангажман во иницијативи за животна средина. RYCO обезбедува пристап до различни шеми за доделување грантови, можности за мобилност за обука, размена и за учество на различни настани, а со тоа поттикнувајќи средина која го негува растот и влијанието на младите професионалци за животна средина.
Не пропуштајте ја оваа исклучителна можност да стекнете вредни сознанија, да се поврзете со истомисленици и да истражите возбудливи изгледи во областа на еколошката одржливост. Со нетрпение очекуваме да ви посакаме добре дојде на сесијата „Во фокус: животна средина, UNEP, RYCO и млади еколошки професионалци во Северна Македонија“. Заедно да ја обликуваме одржливата иднина за нашата планета.
