Претставници од ССНМ одржаа работилница со студенти на Правен факултет при УГД на тема „Работилница за работнички права на новинари и медиумски работници“.
За вовед обраќање имаше Дарко Дуридански, проектен координатор на ССНМ, а за тековните обврски и случувања во рамки на работата на ССНМ говореше Перо Момировски.
На предавањето новинарот Игор Стојанов и Теодора Цветковска, членка на ИО, на студентите им објаснија зошто во фелата е потребен синдикат кој се грижи за работничките права на новинарите..
„Освен со колективните договори, синдикатот има можности и пред сѐ моќ и со различни други активности, методи, кампањи да се бори за заштита на материјалните, работните, социјалните и статусните права на своите членови. Преку демонстрации, штрајкови, организиран притисок може да се принудат сопствениците да ги почитуваат своите обврски и со достоинство да се однесуваат кон правата на вработените според постојните законски одредби. Синдикатот може и треба да бара да се изменат неповолните одредби на законите кои се однесуваат на синдикалните членови и бескомпромисно и со сите средства да ги брани нивните законски права доколку некој не ги почитува“ – објасни Стојанов пред студентите.
Преку вежби и интеракција студентите беа запознаени и со Законот за работни односи, на што треба да внимаваат младите пред да се вработат, кои им се правата и како да се заштитат.
Преземено од:
