По иницијатива на Општина Гевгелија, со цел подобрување на туристичката понуда во Гевгелија, беше одржана првата работилница на тема „Креирање на туристичкиот идентитет" каде што студентите на Факултетот за туризам и бизнис логистика Вилија Минчева, Владимир Никовски, Анастасија Наковска, Аница Ноиќ, Симона Петкова и Јован Проданов заедно со деканот проф. д-р Татјана Бошков активно се вклучија во истата.
На работилницата учествуваа и претставници од бизнис секторот и чинители од повеќе подгранки на туризмот, како: бањскиот туризам, угостителството, сместувачки услуги, претставници на Туристичката асоцијација на Гевгелија, туристички агенции, невладини организации и членови на Локалното собрание за млади.
Целта на организацијата на ваквите работилници е да се изнајдат алтернативни решенија преку учеството на сите чинители во развојот на туризмот и заеднички да придонесат во креирањето на богата туристичка понуда.
„Најдобар начин да се предвиди иднината е да се создаде” – Питер Дракер
