Недела, Мај 19 2024
Следете нè

Драган Теодосиев добитник на признанието најдобар млад македонски џез музичар

Традиционалната награда што Скопскиот џез фестивал ја доделува за најдобар млад македонски џез музичар годинава ја освои нашиот хиперактивен џез тапанар, импровизатор и композитор Драган Теодосиев. Тој е присутен на македонската музичка сцена веќе две децении, а своето музичко образование го стекнал во средно музичко училиште и на Одделот за џез музика на Факултетот за музичка уметност во Штип.
Активно работи со голем број артисти и бендови, како: Taxi Consilium, Svetlost + Odron Ritual Orchestra, Зарина Првасевда, Cobalt Code Unit, Shock Troopers и Дина Јашари, а соработувал и со Тони Китановски, Сашо Поповски, Јордан Костов и многу други. Бил дел и од театарската група „Мадам Фортуна“ од Антверпен, Белгија. Редовно настапува кај нас, но и низ цела Европа. Го нарекуваат „најзафатениот (џез) музичар во Македонија“. Наградата на Теодосиев ќе му биде врачена в петок, во МКЦ, пред настапот на неговиот состав Cobalt Code Unit на 42. Skopje Jazz Festival.